359/2025-2026

Dated Serchhip, the 28^th April, 2025: Mizoram hmun hrang hrangah tunlai hian kan rama sava ten no an neiin an hruai mek a, heng hunlai hian mi thenkhat ten silai hrang hrang leh hmanraw dang hmangin kan rama savate leh ramsa te an pel thin tih hriat a ni a, heng avang hian ramvak karah inkah palh avanga nunna hial chan pawh an lo awm tawh thin a. Chuvangin, kan chhehvela nungcha chỉ hrang hrangte an chereu mai lova humhalh an nih theih nan leh ramvah avanga nunna chan an awm loh nan Serchhip District Magistrate Pu Paul L Khuma chuan Section 163 of Bharatiya Nagarik Suraksha Sanhita, 2023 tlawhchhanin a hnuaia thupek hi a chhuah.

Serchhip District huam chhungah mi tumah in Air gun/Air Rifle, silai, sairawkerh leh hmanraw dang hmangin ramsa leh sava reng reng an vehin an kap/man tur a ni lo.

He thupek hian thu leh awm hma chu Order chhuah anih ni 28^th April, 2025 atanga thla 2 (two months) chhung a huam ang.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang.