360/2025-2026
Dated the 28th April, 2025 : Vawiin chawhma khan Pi Ethel Rothangpuii, Joint Chief Electoral Officer, tuna Chief Electoral Officer, Mizoram charge la mektu chuan district hrang hranga Election Officer te ko khawmin meeting a neihpui.
Pi Ethel Rothangpuii, Joint Chief Electoral Officer chuan Election Officer te chu inthlan kaihnawiha District Level-ah a sulsutu an nih thu leh mawhphurna sang tak an neih thu hrilhin Election Commission of India in tih tur a ruahman angte chak taka bawhzuina kawngah tan la thar turin a fuih a.
He meetingah hian Electoral Roll chungchang, School leh College hrang hranga Electoral Literacy Club din, Booth Level Officer(BLO) te kaihruaitu tur Supervisor mat, inthlan kaihhnawiha media te leh chanchinbumi te baka social media hman tangkai dan leh thil tul dang ngaihtuahho a ni.
He meeting ah hian district 11 atanga Election Officer 11 zingah Election Officer 9 tel theiin, Joint Chief Electoral Officer hi Election Department-a Officer ten an tawiawm bawk a ni.
