Prime Minister Employment Generation programme hi KVIC Flagship programme niin, Ministry of MSME (Micro, Small & media Enterprises), Delhi atang vil reng a ni bawk. He Scheme hi Bank kaltlangin tanpuina (margin money) pek thin a ni. District Task Force Committee hian PMEGP hnuaia diltute chu personal interview nei in a thlang a, chuta thlanchhuahte chu bank hrang hrangah sanction tura thawn a ni thin.

Kum 2013 - 14 ah hian Margin Money Mizoram tan Rs. 896.91 Lakhs KVIC a phalsak a, he pawisa hi district tina bank hrang hrangah semdarha pek chhuah a ni.

Tunah hian Aizawl District Prime Minister Employment Generation Programme (PMEGP) hnuaia Loan diltute interview chu Deputy Commissioner Office-ah neih mek a ni a, hetiang chiah hian Mizoram District dangah pawh neih mek a ni. PMEGP hi, Mizoramah Implementing Agency 3 an awm a, chungte chu :- KVIC, KVIB leh DIC te an ni a, hemi te kaltlang hian Industry din tum tuten Loan an dil a, an project cost atangin thingtlangah za zelah 35% leh khawpuiah za zelah 25% te in Margin Money pek thin a ni.

Aizawl District-ah diltu interview tura koh zawng zawng chu mi 834 an ni a. He programme atang hian mi thahnem tak eizawnna siam sak thin a ni.