1582/2025-2026
Dated Aizawl, the 8 August, 2025 : NH-06 Sairang kawng siam hna thawh mek chu lirthei nawlpui zawh theih tura siam tan a nih avangin SP Aizawl District chuan Durtlang to Kawnpui inkar kawng a lirthei tlan dan tur a hnuai ami ang hian thupek a chhuah:
1) Dt.08.08.2025 (Friday) atanga thu leh awm hma chu 407 Truck leh a tlukpui lirthei tan Durtlang to Kawnpui road ah tlan phal a ni lo.
2) 407 Truck leh a tlukpui lirthei te chu NH-06 Sairang road lamah tlan tawh tur a ni ang.
He thupek hian lirthei LMV chin hnuailam, chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chet velna a huam lo ang. He thupek bawhchhia chu u/s 177 & 179 Motor Vehicles Act, 1988 hmanga hrem theih an ni ang. Hei hian a hmaa Notification tihchhuah No.E/RO/107/Vol-11/2024/679 Dt.04.08.2025 chu a luahlan ang.
He thuchhuah chungchanga harsatna tawk emaw report neite emaw tan Sairang Police Station, Ph. No.9774722968 ah biak theih reng a ni.
He thuchhuah hi Government of Mizoram Notification No. B. 12021/10/2004-TRP Dt. 01.06.2020 leh Motor Vehicle Act, 1988 (Act 59 of 1988) Section 115 in thuneihna a pek anga siam a ni.
