1581/2025-2026

Siaha the 8th August 2025: India in zalenna a hmuh champha vawi 79na lawmna puala Sawrkar Laipui ruahmanna angin ‘Har Ghar Tiranga’ chu Siaha District-ah pawh Aug Ni 2 atanga Ni 15 thleng hman a ni dawn a, a lawmna thawh khatna atana buatsaih Zirna in a India flag kaihhnawih (Tiranga Inspired) wall painting neih tura tih chu vawiin khan zawhfel a ni.

Har Ghar Tiranga puala wall painting hi Siaha khawchhunga school pali (4) ah neih a ni a, Primary School atangin Govt PS, College Vaih-3, Middle School atangin Siaha Vaihpi UPS, High School atangin Little Diamond School leh Higher Level-ah Govt Higher Secondary School (GHSS) ah te neih a ni. Heng School-ah te hian Hnam puanzar kaihhnawih lemziak phochhuah a ni a, zirlai naupangte rilruah Ram leh Hnam hmangaihna thinlung tuha a awm theih nan leh zalenna hlutzia hriat reng nana he wall painting hi buatsaih a ni.

Har Ghar Tiranga lawmna thawh hnihna chu Aug Ni 9 atanga 12 chhunga hman tur niin hemi hun chhung hian Kawngzawh/ Yatra neih a ni dawn a, Aug Ni 12 ah kawngzawh hi neih tur niin Siaha Vaihpi Field atangin Traffic point thleng India flag kengin kawngzawh hi neih tura ruahman a ni.

Har Ghar Tiranga lawmna thawh thumna chu Aug Ni 13 -15 chhunga neih tur niin Sawrkar building, Zirna In, Hotel-ah te leh Mimal inah te India flag zarna runpui neih a ni dawn bawk a ni. ‎