3018/2024-2025
Aizawl, November ni 14, 2024: Sr. SP Traffic, Aizawl District chuan Durtlang Mahindra Servicing Centre atanga Selesih inkar kawng khar a nih tur chungchangah a hnuai ami ang hian hriattirna a chhuah:
PWD, Aizawl Road North Division te'n BSF Camp/Mahindra Servicing Centre atanga Selesih Kawn inkar kawng siamthat hna (Concrete Pavement) an thawh dawn avangin ni 17.11.2024 (Pathianni) Zing dar 10:00 atangin kawng siamthat hna thawh zawh anih hma chu helai kawng hi khar/block a ni dawn tih mipuite kan in hriattir a ni.
Kawng khar/block anih chhung hian Aizawl atanga Sihphir lam kal tur te tan Thuampui - Selesih road lamah leh Durtlang Dawrkawn atangin Sihpui road lamah a kal theih ang.
