Vawiin khan Mizoram Legislative Assembly Conference Hall-ah Dy. Chief Electoral Officer Pu H.Lianzela hovin ‘Exchange of Postal Ballot Papers’ hun hman a ni. Mizoram General Elections kaihhnawiha Exchange of Postal Ballot Papers chu Mizoram Legislative Assembly Conference Hall-ah 5^th November, 2018 khan neih tan niin, a vawi hnihna atan vawiin hian PBNO zawng zawng, RO leh Political party aiawhte tellin neih leh a ni.

Dy. Chief Electoral Officer chuan RO leh PBNO te hnenah ruahmanna uluk tak leh him tak nei turin a fuih a, Postal Ballot Paper thlak nan hian District tinah Facilitation Center neih tur a ni, a ti bawk a ni. Facilitation Center atang hian a tam thei ang ber information pawh pek chhuah tur a ni ang a, RO tin te mawhphurhna a sang em em a ni, a ti bawk a ni.

Postal Ballot a vote thlak hi 22^nd November, 2018 thleng tur niin, Polled Postal Ballot paper hi 23^rd November, 2018 ah Exchange Centers, Aizawl ah lak khawm tur a ni ang.