Vawiin chawhma dar 9:00am khan Don Bosco School-ah a tum hnihna atan Kan hma lawka MLA inthlanna neih tura Siaha District a MLA constituency 2 : 39-Saiha(ST) leh 40-Palak(40) a duty tur Polling Officials 413 te hnenah Master Trainer 13 ten training an pe leh a ni. Training vawikhatna hi Gov't HSS school leh Gov't Middle School New Siaha-ah October ni 30 & 31 khan lo buatsaih tawh a ni.
Vawiin Training-ah hian Polling Official te tana hriattur pawimawh leh tul zawng zawng inhrilhhriat a inzirtir a ni a. Zawhna leh chhanna hun hawnah trainees te zawhna hrang hrang master trainers ten chhangin, an hrilhfiah nghal bawk a ni.
Vawiin training-ah hian trainees te chu EVM &VVPAT Hands-on neihpui an ni bawk.
Siaha District tana ECI in a General Observer-a a ruat Pu Probhudutta David Pradhan, IAS leh Pu Zoengsanga DEO ten vawiin training hi an telpui bawk a ni.
Vawiin Trainees te hi Postal Ballot a vote thlaktir nghal vek an ni bawk.
