Vawiin chawhnu dar 12:30pm khan Pu Zoengsanga, DEO leh District Bawrhsap ni bawk office chamber-ah  EVM&VVPAT Randomization vawihnihna  neih  a ni.

Vawiin 2nd Randomization of EVM&VVPAT programme hi  Pu Zoengsanga,DEO in a kaihruai a ni.

Pu Zoengsanga, Bawrhsap leh DEO chuan Political party hrang hrang aiawh lo kalkhawm te hnena lawmthu sawiin,  Election thinghlim leh felfai a awm theih nan  Party aiawh ten EVM&VVPAT a lo thlen hun te, strong rooma dahthat a ni hun  te leh Check a ni lai te,1st randomization te   min lo tawiawma,   kan thiltih min lo witness thin avangin rilru leh thinglung takin lawmthu ka hril che u a ni, a ti.

 Siaha District-ah hian avaiin  Polling Station 79 a awm a.39-Saiha  AC hnuaiah 36 leh 49-Palak AC hnuaiah 43 a awm a.Siaha District a hman tur endik vek tawh hman tlak Ballot Unit-123, Control Unit-135 leh VVPAT-132  a awm mek a. Chu chu vawiinah 1st Randomization-ah khan 39-Saiha (AC) leh 40-Palak AC a hman turin computer in a thliar hrang a ni.

39-Saiha AC atan hman turin BU-56, CU-62 leh VVPAT-66 leh 40-Palak AC a hman turin BU-67,CU-73 leh VVPAT-66   1st randomisation a computer  in a thliar fel tawh chu vawiin 2nd randomization-ah hian Polling Station tin tan a thliar hrang leh ta a ni.

Vawiin 2nd Randomization hi General observer Pu Probhudutta David Pradhan, IAS in a witness bawk a ni.