Lawngtlai District-a MLA Inthlanpui 2018-a EVM & VVPAT hman turte chu vawiin khan a hmanna tur constituency thliar fel sa angin Govt Lawngtlai College-a constituency strong room theuhvah dah luh a ni.

Lawngtlai District-a EVM & VVPAT kawl zawng zawng hi a zavaiin DC office strong room-ah dah khawm vek a ni a. Inthlannaa hman tur bik dahna tur strong room hi constituency pathum tan a hrang theuhvin Govt Lawngtlai College building-ah ruahman a ni a. ECI randomisation software hmanga constituency hrang hranga EVM & VVPAT hman turte thliar fel tawh sa angin vawiin khan DC office strong room atang hian College strong room-ah political party hrang hrang ai awhte awm laiin sawn luh a ni.

Lawngtlai District-a constituency pathum zingah polling station 59 awmna 36-Tuichawng (ST) Assembly Constituency atan EVM (CU & BU) 71 ve ve leh VVPAT 86 dah a ni a. Polling station 68 awmna 37-Lawngtlai West (ST) Assembly Constituency atan EVM (CU & BU) 82 ve ve leh VVPAT 98 dah niin, polling station 34 awmna 38-Lawngtlai East (ST) Assembly Constituency atan EVM (CU & BU) 41 ve ve leh VVPAT 46 dah a ni bawk.

EVM & VVPAT-te hi 2nd randomisation tih hnuah an hmanna tur polling station a hriat theih dawn a. November ni 20 leh ni 21 hian hman theih tura commission a ni ang.