2263/2023-2024

Lawngtlai dated 11th October 2023: Nimin chawhnu khan DC Conference Hall, Lawngtlaiah Pu Abraham Beirazi Khithie, Dy. District Election Officer chuan MJA, Lawngtlai district-te chu MLA inthlan pui neih tur chungchang a inpuahchahna kalpui dan tlangpui a sawipui a. Pu Denny Lalchhuanawma, Election Officer, Pu Chinlianmanga, SDO(C) leh Pu Hmingthanzuala, DIPRO-ten an telpui a ni. 

Pu Abraham Beirazi Khithie, Dy. District Election Officer chuan MLA inthlanna neih hun tur ECI-in a puan tawh avangin ECI inkaihhruaina hnuai ah Political party, sawrkar hnathawk leh mipui nawlpui zawm tur thuchhuah hrang hrang siam a nih thu a sawi a. Inthlan chungchang a thil hriat fuh loh avang a buaina leh harsatna a thlen loh nan mipui zirtir kawng ah MJA member-te chu thawhho pui ah a sawm a ni. 

Pu Denny Lalchhuanawma, Election Officer chuan Lawngtlai district chhung a Polling station 181 awm ah duty tur mi 907 ruahman a nih bak ah mawhphurhna hrang hrang kalpui turin Expenditure Monitoring Team, Media Certification & Monitiring Team, Flying Squad Team, Static Surveillance Team, Video Surveillance Team, Video Viewing Team leh Account Team-te din a nih thu a sawi a. Polling Station tin ah Voter-ten harsatna an tawh loh nan mamawh hrang hrang (Minimum Assured Facilities) chhawp turin hmalak a nih thu a sawi bawk a ni. 

Pu Hmingthanzuala, DIPRO chuan inthlan hun puan a nih atangin Electronic Media hmang a Political Advertisement chhuah tur te reng reng chu Media Certification an lak hmasak a tul thu sawiin chanchinbu-a Political Advertisement chhuah te pawh Candidate emaw Political party expenditure-ah chhinchhiah zel a nih tur thu a sawi. Vawiin Press Conference-ah hian inthlanna felfai leh thianghlim a awm theih nan Chanchinbu kaltlang a Model Code of Conduct chungchang Political party leh mipui nawlpui hnen ah zirtirna kalpui dan tur sawi a ni bawk.