2851/2022-2023
Dated Serchhip, the 29th November, 2022: Vawiin khan Er. Lalrinawma, Dy. Speaker leh Tuikum Bialtu MLA ni bawk chuan Tlungvel a Eklavya Model Residencial School sak mek a tlawh.

Er. Lalrinawma chuan, hetiang project lian leh hlu tak mai a bial chhunga dahtu sawrkar chungah lawmthu sawiin, Tlungvel khawtlangin phal taka ram an lo pe chu lawmawm a tih thu a sawi bawk a. He zirna in tha tak mai hi Tlungvel leh a chhehvel khuate tan mai ni lovin Mizoram tana thil hlu leh rotling a ni, a ti a. A satu Contractor te chu an mawhphurhna pawimawhzia hriaa, tha leh mittlung taka sa turin a chah a ni.

Eklavya School Building hna hi Pu V Lalengzauva'n a thawk a, sum hi Rs. 24 Crore ruahman niin thla 24 chhunga sak zawh tura tih a ni.

Deputy Speaker hi Pu Lalthangkima, AE, SW&TA, Pu Banhyafea Lalrinhlua, JE, SW&TA leh khawtlang hruaituten an tawiawm a ni.