2850/2022-2023
Lunglei the 29th November 2022 : Vawiin khan District Level Wildlife Crime Control Sub-Unit, Lunglei District chu an chairman Lunglei SP hovin a Chamber-ah an thukhawm.

Meeting hi Lunglei Superintendent of Police, Pu Rex Zarzoliana Vanchhawng chuan a kaihruai a, nungchate an tlem tawh avang leh kan dam khawchhuahna atana an pawimawh si avangin theihtawp chhuah a ven him an tul thu a sawi.

Pu PC. Lalchhandama, DFO Lunglei & Member Secretary -in meeting hmasa thurel bawhzuina report a pe a. Thu pawimawh inhrilh tawn zung zungna atana WhatsApp group siam a nih thu leh tangkai taka hman mek a nih thu te, zing leh tlai lamahte protection duty-a  kal chhuah a nih thin thu te, Wildlife week lai leh hun remchang ah te awareness programme theih ang tawka kalpui a nih thute leh Lunglei YMA Sub- Hqrs-a Science & Environment Committee-te nen thawhhona tha tak an   neih thin thu a sawi. Meeting hmasa in hmun remchanga mipui zirtirna signboard tar tura a lo rel tawh chu tar theih tura buatsaih mek a nih thu a sawi bawk. Meeting ah hian ramsa leh a kaih hnawih thila dan bawhchhiatna awm thei hrang hrang, a ven dan tur leh dan bawhchhiatna a thlena bawhzui dan turte sawi ho a ni a.  Mipui hnena ramsa leh sava tihlum lo tura ngenna media hrang hrang kaltlanga neihte, Forest leh Police lam ten a huhova patrolling neih thinte, Dan bawhchhia mante dan ang taka hrem tura hma lak zel te an rel a ni. Meeting ah hian Police leh Forest Department bakah Assam Rifles, BSF, Custom Department Official-te, Lunglei Honorary Wildlife Warden leh YMA Sub-Hqrs hruaitute an tel a ni.