Vawiin khan Mizoram State Council for Child Welfare buatsaih Seminar on Child Care chu Chanmari YMA Hall-ah Deputy Speaker, Er. Lalrinawma’n a hawng a ni. Seminar-ah hian naupang enkawl chungchanga mawhphur hmasa bertu nu leh pa te an nih angin, in hrilh hriat thar lehna hun hman a ni a, Seminar ah hian “Healthy Child, Happy Home” tih thupui atan hman a ni a, Seminar thupui hmangin Dr. Aileen Lalrinpuii leh Pi Chuauzikpuii ten kalkhawmte zirtirna an pe a ni.

He hunah hian Mizoram, Aizawl-a Headquarters nei Kohhran hrang hrang-a an Central Hmeichhia te anmahni bial chhung theuh atangin leh Pavalai, atang ten mi 300 chuang an tel a ni.  Nuin naute a pai tan atanga naupang kum 18 a nih thleng enkawl dan zirho bakah naupang hmasawn chhoh dan tehna chi hrang hrang zirho ani bawk a ni.

Naupang hriselna atan thil pawimawh chi hrang hrang hetiangin zirho a ni:-

1. Ei leh in mumal ngaih pawimawh a tul nate, Ei leh in tur kan hmuh phak chinte mumal leh inbuk tawk taka ei a that nate.

2. Rilru hrisel leh nu leh pa bula seilen hlutna te

3. Mit ven uluk leh hman dan tawk thiam

4. Rihna ven that

5. Chheh vel hrisel leh him pawimawhna te

6. Kum mila rilru (psychology) enkawl leh ven that

7. Taksa vawnfai leh inulukna te

8. Infiamna leh insawizawi tulna leh thatna

9.  Hri danna (vaccine) bi kim lak tulna te

10. Tisa leh thlarau lam nun kaihhruaina tha a pawimawhzia leh tulna te zirho ani