295/2022-2023
Dated Serchhip, the 26th April, 2022: Vawiin khan Chhuanthar Tlangnuam School atanga kum 2021 a HSLC & HSSLC Pass te lawmpuina hun Chhuanthar Hall ah hman niin Er.Lalrinawma, Dy. Speaker, Tuikum bialtu MLA chuan khuallian niin a hmanpui.

Khuallian chuan Chhuanthar Tlangnuamah Pawl 1 atang a pawl 12 thleng zirna mahni khuaah ngei an nei chu an vannei hle a ni, a ti a. Thiamna tak tak neia ke pen a pawimawh zia sawiin, an thlen chin zelah thiam tak leh rinawm taka awm turin zirlai kalkhawmte a fuih a ni. Faina leh thianghlimna kawngah pawh Chhuanthar Tlangnuam chu an Nu leh Pa te vanga mi hriathlawh khua an ni tih zirlai ten hre thar se a duh thu sawiin, Kan Nu leh Pa te hi kan lei Pathian an ni a, an thu awiha zawm tlat zel turin zirlaite a fuih thar bawk a ni.

Chhuanthar High School hi kum 2004 a din niiin HSLC hi zirlai 356 in an Pass chhuak tawh a. Higher Secondary School hi 2015 a din niin 2021 thleng hian HSSLC zirlai 97 in an Pass chhuak tawh bawk a ni. Tunah hian pawl 1 atanga pawl 12 thleng awmin, kumin ah hian Zirlai 473 an awm a, Zirtirtu 25 an awm mek a ni.