Dy Speaker Pu John Rotluangliana chuan January ni 12 leh ni 13 khan a bial chhak lampang fangin khaw pali, Lengpui, Rawpuichhip, Hmunpui leh Serzawlte a tlawh a, dam takin nizan Jan ni 13, 2010 khan Aizawl a lo thleng leh ta.
Pu John Rotluangliana hian a kal lamah Jan ni 12 khan Taxi driver misualin an thah tak, Chawnghmingthanga ruang lakchhuahna a buaipui a, a bial chhung Lengpui area-a hetiang thil duhawm lo tak thleng chu pawi a tih thu a sawi. Ruang lakchhuah a buaipui avangin Lengpui-a public meeting neih tura ruahmansa chu thulh a ni a. Dy Speaker hian khawtlang hruaitute leh party hruaitute a kawm ta thung a ni.
Jan ni 13 zing khan Rawpuichhip Water Supply Scheme bunna tlawhin hnathawhte a endik a. Rawpuichhip tui pekna tur hi Rs 88.72 lakhs a siam a niin tunah hian hawn mai theih a peih a ni tawh a. Rawpuichhip khawtlang chuan hawn an nghahhelh thu Dy Speaker hi an lo hrilh a ni.
Deputy Speaker hi khaw hrang hrang a tlawhnaah mipui ten an lo lawm thiam hle a, pangpar thi te nen ropui takin an lo hmuak hlawm a ni. Heng khaw hrang hrang a tlawhnaah hian Pu John Rotluangliana chuan khawtlang hruaitu leh mipui kal khawm hmaah thu sawiin, NLUP chungchanga hriatfiah ngaite a hrilhfiah a, NLUP dawng turte’n an trade thlan danah enfiah leh ngaite a awm avanga pawisa sem tur pawh tih khawtlai leh deuh a nih thu mipui a hriattir.
Pu John-a chuan NLUP lo hi Mizo hnam pum khai chhuahna tur scheme dang a awm mai a rin tawh loh thu sawiin,sawrkar laipui pawhin India ram pum huap a hman atan an it thu a sawi. A sawi zelnaah kan ramah NLUP hlawhtlinna tur chuan kut hna thawktu tha leh rinawm kan ramin a mamawh a, chuvangin, NLUP hi taimak inzirtirna anih thu leh a thlan thu-ah pawh fimkhur taka kalpui a, hlawhtlin pui ngei tur thlan chhuah thiam a tul thu a sawi a; a dawng tura thlan hmasakte pawh dawng leh zel turte tana entawn tlaka hlawhtlinpui ngei tura tih takzeta thawk turin a chah bawk.
Jan ni 13 zing khan Rawpuichhip Water Supply Scheme bunna tlawhin hnathawhte a endik a. Rawpuichhip tui pekna tur hi Rs 88.72 lakhs a siam a niin tunah hian hawn mai theih a peih a ni tawh a. Rawpuichhip khawtlang chuan hawn an nghahhelh thu Dy Speaker hi an lo hrilh a ni.
Deputy Speaker hi khaw hrang hrang a tlawhnaah mipui ten an lo lawm thiam hle a, pangpar thi te nen ropui takin an lo hmuak hlawm a ni. Heng khaw hrang hrang a tlawhnaah hian Pu John Rotluangliana chuan khawtlang hruaitu leh mipui kal khawm hmaah thu sawiin, NLUP chungchanga hriatfiah ngaite a hrilhfiah a, NLUP dawng turte’n an trade thlan danah enfiah leh ngaite a awm avanga pawisa sem tur pawh tih khawtlai leh deuh a nih thu mipui a hriattir.
Pu John-a chuan NLUP lo hi Mizo hnam pum khai chhuahna tur scheme dang a awm mai a rin tawh loh thu sawiin,sawrkar laipui pawhin India ram pum huap a hman atan an it thu a sawi. A sawi zelnaah kan ramah NLUP hlawhtlinna tur chuan kut hna thawktu tha leh rinawm kan ramin a mamawh a, chuvangin, NLUP hi taimak inzirtirna anih thu leh a thlan thu-ah pawh fimkhur taka kalpui a, hlawhtlin pui ngei tur thlan chhuah thiam a tul thu a sawi a; a dawng tura thlan hmasakte pawh dawng leh zel turte tana entawn tlaka hlawhtlinpui ngei tura tih takzeta thawk turin a chah bawk.
