Mizorama zirna hmasawnna tur leh tihchangtlun zawkna tur ruahmanna kal mekah vawiin khan meeting pawimawh tak Secretariat Conference Hall-ah neih a ni a. Meeting-ah hian NEC Member Pu P.P.Srivastava, NEREC Core Group Chairman Pu S.Sathyam, Jt. Director NCERT, New Delhi Prof.G.Ravindra bakah NE Regional Institute of Education(NERIE) atangin Principal Prof.J.P.Bagchi leh Lecturer 2 an lo tel bawk. Mizoram sorkar Education Minister Pu Lalsawta’n meeting hi hawngin, Parliamentary Secretary Pu Chawngtinthanga leh Education Secretary Pu K.Riachho ten an tawiawm a ni.
Vawiina meeting hian Mizoram SCERT leh DIET tihchangtlun dan tur leh an hmasawnna tura rawtna hrang hrangte zir hova, zirtirtute tana Training Program changtlung leh tunlai thiamna mila changkang tak buatsaih chungchangte uluk taka ngaihtuah ho a ni.
Meeting hawngtu Minister Pu Lalsawta chuan mi pawimawh lo zinte chungah lawmthu sawiin Mizoram thil mamawh pawimawh ber pakhat a hun taka sawipui tura an lo kal chu a lawmawm tak zet a ni, a ti a. Pu Lalsawta chuan he meeting hian zirtirtute tana training chu Primary atanga a sang ber thlenga buatsaih dan tur te, vocational education uar zawka kalpui dan tur leh chu chuan eizawnna nghet leh tlo a hrinchhuah theih dan tur te a duanchhuah ngei a beisei thu a tarlang a. Mizoram ngei chu zirna hmunpuiah a chan theih nan beiseina thui tak a neih thu a sawi a ni. Polytechnic neih sa 2 bakah Kolasib, Champhai, Mamit leh Lawngtlai-ah te hawn thuai a nih tur thu leh National Institute of Technology (NIT) atan admission hawn thuai a nih tur Pu Lalsawta hian a sawilang a. Mi hmantlak leh eizawnna tling tura mi chherh chhuah chu Mizoram zirnain a tum leh dah pawimawh hmasak ber a ni tawh dawn a ni, Minister chuan a ti.
NEC Member Pu P.P.Srivastava chuan Mizoram hian hmasawnna rahbi pawimawh hmasa ber remna leh muanna boruak chu state dangte mithmuhah a pholang a ni, a ti a. Hmasawnna ruangam atana thil tul hmasa ber chu mihringte thiamna leh theihna haichhuah (human resource) a nih thu uar takin a sawi bawk.
Education Secretary Pu K.Riachho, IAS chuan meeting buatsaih chhan tarlangin Mizoram leh hmarchhak state te hi ziak leh chhiar thiam tehnaah chuan sang hle mahse zirna tha leh tlo (quality education) ah erawh an hniam si a ni, a ti a. Hei hian thui takah beidawnna thinlungte siamin helna leh nunphung pangai tichhe zawnga chetna tam tak a hring chhuak niha a ngaih thu a sawi a. Chuvangin hmarchhak state hmasawnna tura sorkar laipuiin ruahmanna huam zau tak a siam zinga zirna quality tha zawk mipuiin an neih theihna turin he meeting hi buatsaih a ni a ti bawk.
Meeting hawngtu Minister Pu Lalsawta chuan mi pawimawh lo zinte chungah lawmthu sawiin Mizoram thil mamawh pawimawh ber pakhat a hun taka sawipui tura an lo kal chu a lawmawm tak zet a ni, a ti a. Pu Lalsawta chuan he meeting hian zirtirtute tana training chu Primary atanga a sang ber thlenga buatsaih dan tur te, vocational education uar zawka kalpui dan tur leh chu chuan eizawnna nghet leh tlo a hrinchhuah theih dan tur te a duanchhuah ngei a beisei thu a tarlang a. Mizoram ngei chu zirna hmunpuiah a chan theih nan beiseina thui tak a neih thu a sawi a ni. Polytechnic neih sa 2 bakah Kolasib, Champhai, Mamit leh Lawngtlai-ah te hawn thuai a nih tur thu leh National Institute of Technology (NIT) atan admission hawn thuai a nih tur Pu Lalsawta hian a sawilang a. Mi hmantlak leh eizawnna tling tura mi chherh chhuah chu Mizoram zirnain a tum leh dah pawimawh hmasak ber a ni tawh dawn a ni, Minister chuan a ti.
NEC Member Pu P.P.Srivastava chuan Mizoram hian hmasawnna rahbi pawimawh hmasa ber remna leh muanna boruak chu state dangte mithmuhah a pholang a ni, a ti a. Hmasawnna ruangam atana thil tul hmasa ber chu mihringte thiamna leh theihna haichhuah (human resource) a nih thu uar takin a sawi bawk.
Education Secretary Pu K.Riachho, IAS chuan meeting buatsaih chhan tarlangin Mizoram leh hmarchhak state te hi ziak leh chhiar thiam tehnaah chuan sang hle mahse zirna tha leh tlo (quality education) ah erawh an hniam si a ni, a ti a. Hei hian thui takah beidawnna thinlungte siamin helna leh nunphung pangai tichhe zawnga chetna tam tak a hring chhuak niha a ngaih thu a sawi a. Chuvangin hmarchhak state hmasawnna tura sorkar laipuiin ruahmanna huam zau tak a siam zinga zirna quality tha zawk mipuiin an neih theihna turin he meeting hi buatsaih a ni a ti bawk.
