Vawiin khan Durtlang Environmental Protection Committee (DEPC) buatsaih ‘Nest Box Week & Environmental Awareness Campaign’ hawnna inkhawm Durtlang Community Hall-ah neih a ni a, Environment & Forests Minister Pu H.Rohluna chu Khuallian a ni. Nest Box Week hawnna hi Durtlang tlawmngai pawl hrang hrangte bakah E&F Department officials ten an hmanpui.
Khuallian Pu H.Rohluna chuan Mizote hi environment lamah harhchhuak nasa tawh hle mahse zirtur tam tak kan la neih thu sawiin DEPC te hmalaknaah lawmthu a hrilh a ni. Environment humhalh chu khawvel pumin a buaipui em em a nih avangin kumin hi UNO chuan ‘International Bio-diversity Year’ ah a puang hial a ni, a ti. Mizoram puma hring khuh (green cover) chu 91.27% ni mahse, thing puitling (dense forest) tak tak erawh chu 0.64% chauh a ni tih sawilangin Minister chuan thing leh mau leh nungchate pawimawhna kan hre theuh a, nakin huna kan tu leh fate luah tur he ram hi duat taka enkawl hi kan tih makmawh a ni, a ti bawk. Environment humhalh zawnga ke pen apiang mimal leh pawl te chu E&F Department-in a theih ang apiangah a thlawp zel tur thu a sawi a ni.
E&F Department-a Conservator of Forests Pu Liankima Lailung pawhin thu sawiin khawvel-a ram/hmun bio-diversity nei tha ber 12 te zingah Mizoram pawh a tel thu a tarlang a. Vanduai kan intih rual rualin Mizote kan vanneihna chu kan ram leilung, thing leh mau leh nungchate khawvel hmun danga awm ngai lo ang chi (species) hrang hrang kan neih tlat hi a ni, a ti. Tun hnai maia nauban chi thar khawvela la hriat ngaih loh leh sava vang em em Burmese Peacock te pawh Mizoram-ah hmuhchhuah a nih thu te tarlang bawk.
DEPC dintu zinga puipa leh tuna Adviser ni mek Dr. C. Lalhmingliana pawhin thu sawiin environment humhalh kawngah kan tih theih inthlau hle mahse mahni tih theih chinah thahnemngaihna neiin hmalam panin chak lehzualin ke pen a tul a ni, a ti a. Leilung chhe mek siamthatna kawngah tanrual a pawimawh tak zet tawh a ni tiin kalkhawmte a chah a ni.
Vawiin Nest Box Week hawnna-ah hian sava bu leh ran bawm engemaw zat tar chhuah a ni a, heng hi ramngaw awmna hmun hrang hrangah DEPC memebr te chuan an dah dawn a ni. Khuallian Pu H.Rohluna chuan a tul apianga an hman turin DEPC te hnenah Rs.5000/- a hlan bawk a ni.
E&F Department-a Conservator of Forests Pu Liankima Lailung pawhin thu sawiin khawvel-a ram/hmun bio-diversity nei tha ber 12 te zingah Mizoram pawh a tel thu a tarlang a. Vanduai kan intih rual rualin Mizote kan vanneihna chu kan ram leilung, thing leh mau leh nungchate khawvel hmun danga awm ngai lo ang chi (species) hrang hrang kan neih tlat hi a ni, a ti. Tun hnai maia nauban chi thar khawvela la hriat ngaih loh leh sava vang em em Burmese Peacock te pawh Mizoram-ah hmuhchhuah a nih thu te tarlang bawk.
DEPC dintu zinga puipa leh tuna Adviser ni mek Dr. C. Lalhmingliana pawhin thu sawiin environment humhalh kawngah kan tih theih inthlau hle mahse mahni tih theih chinah thahnemngaihna neiin hmalam panin chak lehzualin ke pen a tul a ni, a ti a. Leilung chhe mek siamthatna kawngah tanrual a pawimawh tak zet tawh a ni tiin kalkhawmte a chah a ni.
Vawiin Nest Box Week hawnna-ah hian sava bu leh ran bawm engemaw zat tar chhuah a ni a, heng hi ramngaw awmna hmun hrang hrangah DEPC memebr te chuan an dah dawn a ni. Khuallian Pu H.Rohluna chuan a tul apianga an hman turin DEPC te hnenah Rs.5000/- a hlan bawk a ni.
