388/2023-2024

Aizawl the 10th May, 2023 : E-forensics kalhmang inzirtirin vawin ni 10 May, 2023 khan Online Training buatsaih a ni a. He training ah hian Mizoram chhunga SDPO te, Police Station OC te, Excise & Narcotics Department hnuaia Asst Commissioner te leh Officer in-charge te bakah Anti-Corruption Bureau hnuaia Case Forwarding Authority te an tel a. Directorate of Forensic Science Laboratory a expert ten e-forensic online training hi an pe a ni.

Ministry of Home Affairs, Govt. of India ruahmanna anga thubuai chak zawka chinfel a nih theihna tura ruahman Interoperable Criminal Justice System hnuaiah e-forensics hi ni 1, September, 2019 khan hman tan a lo ni tawh a. E-forensics platform hmang hian Case thawn tuten Expert Report an download mai theih tura ruahmanna chu kalpui mekin reiloteah Paper hmanga Report thawnchhuah chu titawpin Digital hmanga Sign -Forensics Report (paperless) hi hman tum a ni.