387/2023-2024

Aizawl the 10th May 2023: Land Revenue & Settlement Minister Pu Lalruatkima kaihhruainain 'Screening Committee for Exemption of SIA on the Land Acquisition for shifting of Electric Tower’ chuan vawiin khan MINECO-a a pisa-ah electric tower No-45(A) sawn chungchanga Social Impact Assessment (SIA) exemption chungchang an sawi ho.

Vawiin thutkhawmnaah hian Seling-Champhai electric tower sawn tur chungchang ngaituah ho niin, Power & Electricity Department chuan a hmanhmawhthlak tawh thu sawiin SIA exempt tura competent authority-ah phalna dil ni se an ti a. Tower chu sawn thuai a nih loh chuan tower-in a chawm khuate an thim reng dawn a, danin a phal angin mipui vantlang thatna tur chuan compulsory acquisition kalpui theih a nih thu tarlangin a rang lama hmalak a tul avangin bawhzui thuai ni se tih an rel a ni.

SIA chu electric tower sawn avanga kawng hrang hranga mipui a nghawng theih dan leh mipuiin an hlawkpui theih dan tur zirchianna a ni a. Mipui vantlang hamthatna tur leh a thalo zawnga nghawng awm lo turah chuan exempt theih a ni.

SIA Exemption chungchang thutkhawmah hian Revenue Department bakah P & E leh DC office aiawhte an tel a ni.