Vawiin khan kar khat chhung awh tur Mizoram sorkar hnuai a Officer rual te tan Specialized Training on e-Governance Programme (STeP) on Business Model & Public Private Partnership (PPP) ah training chu Aijal Club tan a ni. STeP training hi Information and Communication Technology Department leh National Institute of Smart Government (NISG), Hyderabad te tangkawp buatsaih a ni.

Training hawna inkhawm Pu. Lalthlamuana, Principal Informatics Officer, ICT kaihhruai hi ICT Principal Secretary Dr. S.S Garbyal, IFS in a hova. ICT hmalakna chak taka a kal thu a sawi bakah, Mizoram hmun hrang hranga inbiakpawhna (connectivity) chak zawk a awm theih nan sorkar laipui nen tun hnai a inremna thuthlung ziak a nih thu a sawi bawk. STeP hi Department of Electronics & IT, Govt. of India hnuaia Capacity building programme atanga kalpui ani bawk.

He training-ah hian Project hrang hrang te puitling taka enkawl a nih theih dan te zir ho a ni ang. Step training hi kumin atan chuan a tawp na tur ani a, Project Management leh Government Process Re-Engineering (GPR) ah te August thla leh October thla tawp ah te trainng pek a lo ni tawh bawk a ni.

Tarlan tawh angin e-governance training pawh Under Secretary chin chunglam tan kar hmasa khan neih a lo ni tawh bawk.