Kolasib Town Road Development Coordination Committee chu an chairman Pi Niharika Rai, IAS, Kolasib DC hovin vawiin khan a office chamber-ah an thukhawm a. Kolasib khaw chhung kawng siam zawh hun tura ruat February 2013-ah chuan zawhfel vek tawh nise an ti.

Pi Niharika Rai chuan Kolasib khawchhung kawng siam nan hian sum tamtham tak senso a nih avangin a thawktu NBCC chu tun a thawh zawh dawn lamah pawh tan la thar turin a hrilh a. A hnuaia sub contractor hnathawh dan chu tun aia uluk zawka vil turin a ti a ni.

Town Road Monitoring Sub Committee ten kar kalta maia kawng siamte Package I & II an endikna report an thehluh sawi chhuakin Pi Rai chuan kawng siam hi kum 15 daih tur, rotling tura tih nisi, Sub Committee tena a khawk leh chhia hmun engemaw zata an hmuh thu an thlen chu uluk lehzuala enfel turin NBCC hotute chu a hrilh bawk a. Monitoring sub committee te pawh zing zawka kawng siam endik tur leh Kawng chauh nilo, Nullah leh Retaining wall tepawh endik turin a hrilh bawk a ni.

Kolasib Town Road siam mekah hian kawng 6kms siam loh tura tih deleted tawh chu DC hmalaknain tunah hian thawh leh mek a ni a. thawh zawh hun tura hun ruat hi harsatna eng engemaw avangin vawi engemaw zat sawn alo ni tawh bawk a. Nakkum Feb. khi chuan zawhfel vek nise tiin vawiina Committee chuan a rel a ni.