Nimin 26th October 2012 khan DC’s Conference Hall, Mamit-ah Anti Tobacco Squad leh District Level Task Force ten Joint Meeting neiin Pu V. Lalremthanga District Bawrhsap chairman Anti Tobacco Squad ni bawkin a kaihruai a ni.

Chairman chuan Zuk leh hmuam dona kawnga Anti Tobacco Squad hmalakna te fakin State Level a kan hmingthatna te, chhawm nung zela nasa zawka hmalak a tul thu kalkhawmte a hrilh a ni. Chairman chuan zuk leh hmuam kan dona kawnga kan hmalakna hi thil nuam a nih loh thu sawiin nakina zofaten kan thatpuina tur a ni tih hrerenga inthlahrung lo leh huai taka kan kal ngam a pawimawh a ni a ti bawk.

He meeting-ah hian Dr Vanlalsawma Member Secretary in Report pe-in Squad Drive vawi 31 nei tawhin mi 147 man an ni a, he ta sum chawitir tling khawm hi 10190/- a nih thu report-ah chuan a tarlang a ni.

He meeting-ah hian Mamit District chhunga hmalak tawhnate thlirho niin Section- 4 puipunna hmuna meizuk khap te, Section- 5 a vaihlo leh a kaihhnawih fak mawi te leh Section- 6 @ kumtling lote hnena vaihlo hralh khap leh zirna in hnaia meizial zawrh te hi nasa zawka a that loh zia inzirtirna( Awareness) pek ni se, Department office tinah meizu te man a chawitir an nih theih nan challan pek ni se, Section 6-(a) leh (b)ah te hian Ngenna (Appeal) siam nawn leh a hemi zahlohna dan bawhchhiate chu dan anga hremna lek mai ni se, Section 7-a tarlan zuk leh hmuam that lohzia tih lanna milem tar chungchangah a tartur hi committee-in ngaihtuaha a tar turte tana lam theih tura buatsaih ni se tih te leh motor khalhtu leh Passengers te lirthei chhunga meizuk khap a nih thu hriattirna leh ti lo tura ngenna siamin dan bawhchhe tute chu dan anga hremna an chungah lekkawh ni se tih te rel a ni.

He meeting-ah hian members te an kal tha hle a ni.