Vawiin hian ICDS Office E. Lungdarah Beti Bachao Beti Padhao (BBBP) chungchang; hnathawktu hmatawng (frontline workers) Anganwadi Workers te hnenah inzirtirna hun hman a ni. 

He hunah hian V. Lalruatsangi, Women Welfare Officer, BBBP Serchhip leh Lalruatpuii, District Co-ordinator te chuan BBBP chungchangah zirtirna an pe a. He scheme in a thiltumte leh a kalphungte an sawifiah a ni. 

Beti Bachao Beti Padhao hi Ministry of Women & Child Development hmalakna pakhat, hmeichhe fate venhim leh zirna pek chungchanga mipuite hnena zirtirna ani a. He hmalakna atan hian Serchhip District pawh thlan ve niin, District Task Force din a ni a, chumi hnuaiah chuan Programme Management unit (PMU) awmin PMU hian District chhunga sawrkar hnathawk hrang hrangte hnenah BBBP Scheme chungchang hrilhfiahna leh zirtirna a buatsaih chho mek a. Chumi hmalakna ang chuan vawiin hian Anganwadi Workers, E. Lungdar Circle a mite training naah BBBP hmalakna hi zirtirna buatsaih a ni ta a ni.

He hun hi Pi K. Lalbiakzuali, CO E.Lungdar chuan a kaihruai a, Angandi Worker te leh Anganwadi Helper te leh ICDS thawktute an tel tha hle a ni.