Naktuk ni 22nd April hi Earth Day (Kan chenna lei leh a chheh vel humhalhna Ni) ah Environment & Forest Department bultumin a tha tawh (action oriented) zawngin hman a ni a. Aizawl huam chhung veng hrang hrangah YMA Branch/Section thenkhatten an veng chhung theuh leh a chhehvel kawngdung leh luikawr thenfai bakah puipunna hmun tihfak hnatlang an nei a.  Veng thenkhatah chuan veng chhung thenfaina hnatlang hi MHIP leh MUP te nena tang hovin neih a ni bawk. YMA, MHIP, MUP te hian an hnathawh hma in Earth Day chungchanga Principal Chief Conservator of Forests leh Secretary Environment & Forests Department, Dr. S.S. Garbyal-a thuchah an chhiar chhuak theuh a ni. Aizawl khawpui chawmtu tui Tlawng lui atanga lak chhohna hmun leh a bul vel tifaiin Eco-Club member 100 rual te an thawk a, Synod HSS compound-ah thing thahnem tham fe phun a ni bawk. Environment & Forests Minister Pu H. Rohluna, Dr. S.S. Garbyal-a te Earth Day thuchah intawm chanchinbu-ah tihchhuah a ni a, Aizawl khawpui hmun remchang leh langsar lai ah banner tar a ni bawk.