Vawiin khan Secretariat Conference Hall-ah nizung chakna (solar energy) Aizawl khawpui chhunga hman a nih theih nana Solar City ruahmanna kal mek chungchangah meeting neih a ni a. He meeting  UD&PA Minister Pu Zodintluanga kaihhruaiah hian State Planning Board Member Secretary Pu P L Thanga IAS (Rtd), AMC Chairman Pu C T Zakhuma, AMC CEO Pu Nghaklianmawiate bakah UD & PA Department; Aizawl Development Authority (ADA); Zoram Energy Development Agency (ZEDA); Power & Electricity Department leh PWD hotute bakah CYMA aiawh an tel  a ni. 

Meeting-ah hian Aizawl Solar City tan Revised Physical Target leh Action Plan lo duan tawh chu an sawiho hnuin, Detailed Project Report (DPR) chu a rang thei ang bera siam nise tih an rel a. Nizung hmanga eng chi hrang hrang siamchhuah thei te, tui tih lumna leh tui pump na khawl chungchang mipuiin an hriat lar theih nan mipui zirtirna leh inhriathriatna kawnga Exhibition leh Talk Show neih tha an tih thu an sawi a ni.
 
Meeting chuan Energy Efficiency Strategy (kawlpetha renchem thei ang bera electric leh electric bungrua te hman dan) chungchang an sawi ho bawk a ni.