3400/2023-2024

Champhai the 19th January, 2024 – East Tuipui bialtu MLA Pu Ramthanmawia chuan vawiin khan SASCI 2022-2023 sum hmanga sak mek Khawbung Bazar Shed Phase I a tlawh. Khawbung Bazar Shed Phase I hi SASCI sum cheng nuai 40 hmanga sak niin a sak hna hi Contract a pek ni lovin, Khawbung VCP ho in Prominent Citizens te nen Bazar Shed Committee dinin chu mite chuan uluk takin ro tling ngei tura sak tum in an bei mek a ni.

Bialtu MLA chuan Bazar Shed tha taka an sak avangin Committee chungah lawmthu a sawi a. Tun a sak tura tih chin hi sa zo thuai tura hma la tura chahin, SASCI 2023-2024 hmanga tuna sak bak chin hi Phase II hmanga sak chhunzawm leh tur a ni a. Khawbung in Bazar Shed tha tak an nei thuai tur chu a lawmpui thu a sawi bawk.

Khawbung Bazar Shed hi a dung 38 feet a vang 30 feet niin, Phase I SASCI 2022-2023 leh Phase II SASCI 2023-2024 hmanga sak tur a ruahman a ni a. Khawbung Bazar Shed sakna tur Phase II SASCI 2023-2024 hnuaia Nuai 30 zet dah hi Sorkar thar in an la stay avangin hman theih a la ni lo a ni. Sorkar thar hian he hna hi stay lovin thawh tir thuai se Bazar Shed tha tak neih hlan Khawbung mipui ten an nghakhlel hle a ni.

Vawiin vek kha Pu Ramthanmawia chuan Khawbung HSS Girls Hostel sak mek chu a hmun ah kal in a enpui bawk a. An Office chu a tet avanga Extend an dil chu MLA hian theih tawp a chhuahpui tur thu a hrilh a ni. Khawbung HSS ah hian Arts leh Science Stream awmin School naupang 85 lai an awm a ni.

Vawiin vek kha Khuangthing Studens Union Office- Cum-Library MLA fund nuai 4 senga sak chu a hawng bawk. Pu Ramthanmawia chuan Zirna leh kut hnathawk ngaisang khua Khuanthing khaw intodelh tak maiin Students Library tha tak mai in nei tur hi ka lawmpui che u a. Zirlai ten tangkai taka hnanga Lekhathiam tak tak he khua atang hian an lo chhuah ngei ka beisei a ni a ti bawk.

Vawiin hian Pu Ramthanmawia chu Lawmthu sawi bial fan thawh hnihna zoin naktuk ah Aizawl panin a haw ang.