Eastern India Science Fair 2017 chu BITM (Birla Industrial & Technological Museum) Kolkatta ah January ni 9 – 14, 2017 chhung khan neih a ni a, he science fair hi National Council of Science Museum, Ministry of Culture, Govt. of India leh Eastern India huamchhunga State hrang hranga Education Department leh SCERT te thawkhovina an buatsaih a ni.

He science fair ah hian November 2016-a State Level Science Exhibition Lawngtlai Donbosco School-a neih zawh tak atangin St. Paul’s HSS Aizawl, St. Peter’s chhingchhip, St. John’s HSS Kolasib, St. James School, Aizawl, Stains Memorial School Aizawl, Govt. Pianghleia H.S Aizawl, Don Bosco School, Lawngtlai, Southern Public School Lawngtlai, ML Junior Academy Lawngtlai, Ngurnunsangi English Medium School Lawngtlai, Bethel Mission School Champhai atang ten zirlai naupang ti tha 20 thlan chhuah an ni. Heng naupang te hi Don Bosco School Lawngtlai, Govt. Pianghleia HS Aizawl, St. James School Aizawl leh St. Paul’s HSS Aizawl zirtirtu pali te leh SCERT Science Promotion Wing atangin Official 3 an an ho a ni.

Mizoram representative te hian Model/Exhibit 12 an pho chhuak a, a dang 8 te hi Work Experience Camp-ah an tel a ni.

Exhibit Wise :

1) Carlos Lalrinchhana - St. Paul’s Hr. Sec. School - State Best Award (Production of single cell protein)

2) Jolly Heisnam - St. Paul’s Hr.Sec. School – Special Prize ( Flood & Water level Indicator)

3) Jaydul Hok Choudhary – St. John Hr.Sec. School Kolasib – Special Prize (Leachate Management for clean Technology)

Work Experience Camp atangin –

1) Lalremruata – St. Paul’s Hr.Sec. School – Electronic Department

2) Laldinthari – St. John Hr.Sec. School – Mass Making Department

3) Judithi Lalchanpuii – St. Peter’s Hr.Sec.School – Life Science Department

4) Lalramthanpuii – Stains Memorial School, Aizawl – Life Science Department