Vawiin khan Mizoram Legislative Assembly inthlanpui lo awm tur chungchangah ECI Awareness Observer Pu Subramanian, IIS hovin Aizawl District Election Officer leh Aizawl DC ni bawk Dr. Franklin Laltinkhuma Office Chamber-ah Nodal Officer-te, District Level Core Group leh SVEEP Campus Ambassador-te an thukhawm.

Pu Subramanian chuan inthlannaah mipui zingah vote thlak ngaihsaklo tam tak awm thin chu ECI chuan ngaimawhin mitinin vote kan thlak theuh theih nan, voter chanvo leh mawhphurhna pawimawhzia inhrilhfiah a, infuih nan Systematic Voter’s Education and Electoral Participation (SVEEP) chu ECI chuan a rawn duan thar a nih thu a sawifiah a. Vote thlak tura hna thulh a, hun tam tak senga rei tak tak intlar ngai thin tihbo nan Polling Station-a voter tlem zawk dahin Polling Station zat pawh tihpun a nih thu a sawifiah.

Meeting-ah hian SVEEP hnuaia hmalak chhoh mek dan te an thlirho a, harsatna tawhte tarlan zingah hmun dang atanga khawpuia zirlaite tan mahni khuaa vote thlak tura kal a harsat thute an sawi a. Tu tan pawh mahni awmna hmun apiangah Electoral Roll-a inthun theih reng a nih thu meeting-ah hian tarlan a ni.