Vawiin khan Kolasib DC Pu R. Lalramnghaka hovin SVEEP Plan chungchang sawihona, meeting DC Office-ah neih a ni. He hunah hian inthlanpui neih zawh taka vote tlak dan te thlir ho a ni a. Election Commission of India duhdan angin Vote nei thei tawh phawt chu Roll-a an luh theih nan hun chep tak karah pawh tan lak thar nise an ti a. Roll-a lut duhte tan 31st October thleng DC Office-ah tih theih ala ni.
DC Pu R. Lalramnghaka chuan ECI hian kan vote thlak tam lam thleng hian min chik a, chuvang chuan khua leh tui kum tling vote nei tawhte chu tan kan lak thar a, kan vote hlu tak kan thlak ngei a tul a ni, a ti a. Hun hma lama vote tlak dan Kolasib District chhung bikah mipa aia hmeichhia an tam zawk chu enge a chhan kan chik pawh a tha hle a ni, tiin mipui te tan la thar theuh turin a sawm a ni.
Vote thlak chungchangah leh Inthlanpui atana hriat tur tul te puan chhuah kawngah MPF te pawh hman tangkai nise tiin SVEEP Committee hian a rel bawk a ni.
