Kolasib DC Pu R. Lalramnghaka hovin vawiin khan DC Office chamber-ah thla leha inthlanpui lo awm tur atana inpuahchahna hrang hrangte thlir hona Department hotu thenkhat leh Election chungchang ngaihtuahtuten an nei.

Pu R. Lalramnghaka chuan Deptt. hotute chu election atana inpuahchahna an kalpui danah dik leh felfai thei ang bera thil ti tur leh tang tlang turin a hrilh a. Inthlanpui hi thil hautak tak a nih avangin leh Election Commission of India in felfai taka thiltih a duhna te chu zawm ngei tul a tih thute a sawi a ni.

Meeting-ah hian Kolasib District chhunga khaw tlawhpawh harsa zual te chu a kawng siam tha turin tan lak nghal nise an ti a. PWD leh DRDA ten khaw tlawhpawh harsa zual N. Thinglian, Rastali leh S. Chhimluang khua te chu an hma dawn a. Polling station 76 te chu en chhuah a, venhimna leh inthiarna tha siam te, tui thianghlim a tul anga chhawp te, tin, venghimtu sipai thlenna tur ruahman leh an ei in tur buatsaih dan turte pawh sawi ho a ni bawk a. Toilet, Electric leh mamawh dangte pawh mawhphurtu tur ruat nghal a ni bawk a ni. Heng bakah hian Central para military force thlenna turin Saidan Sports Academy chu ruahman nise tiin an rel bawk a, heng mite chuanna tur leh inthlan veivahna tur Motor ruahman dan tur pawh sawi hovin Health Deptt. lam atangin a tul anga damdawi sem dan tur pawh sawi a ni bawk a ni.