409/2025-2026

Dated Aizawl: the 30^th April 2025 : Vawiin khan Election Commission of India (ECI) chuan India International Institute of Democracy and Election Management (IIIDEM), New Delhi-ah Bihar, Haryana, Uttar Pradesh leh NCT of Delhi a Electoral Registration Officers (EROs), Booth Level Officers (BLOs), EROs leh BLO Supervisors-te tan ni hnih chhung awh training a buatsaih a. He training hi kan hma lawka achunga tarlan tak state hrang hrang inthlanpui (General Elections to the Legislative Assemblies) lo awm tur atana inbuatsaihna pakhat niin election official 369 in training hi an chhim a ni.

Chief Election Commissioner (CEC) of India Pu Gyanesh Kumar chuan training hi hawngin, BLO, ERO leh Booth level Agent zawng zawngte chu electoral roll dik leh felfai siam kawngah fimkhur taka an mawhphurhna hlen turin a chah a, Representation of People Act 1950, registration of Electors Rules 1960 leh ECI in inkaihhruaina a duan te tha taka zawm chungin an thawk thin tur a ni, a ti.

He training hi inthlannaa official-te’n voter registration leh inthlan kaihhnawih form hrang hrang chin felna lam leh inthlanna kalpuidan turte an chian leh zual theih nana duan a ni a. Official-te chu EVM leh VVPAT hmandan te a taka kawhhmuh an ni a, final electoral roll tarchhuah a nih hnu a first appeal leh second appeal chungchanga DC leh CEO te mawhphurhna hrilhfiah an ni bawk. A chunga state tarlan takah te khian January ni 6 – 10, 2025 chhunga Special Summary Revision (SSR) neih takah khan appeal lut pakhatmah awm lovin felfai taka kalpui a ni.

Training-ah hian role-play leh case-study hmang tein, house-to-house survey neih dan te, form fill up dan leh inthlan kaihhnawih hrang hrangte chu a taka tihchhin tir an ni a. Hei bakah hian Apps chi hnih Voters Helpline App leh BLO App-te chu a hmandan zirtir nghal an ni bawk.

Media Release_Training.pdf