145/2025-2026

11th April, 2025 : Ni hnih awh National Training Programme chu West Bengal a BLO 217(zahnih sawmpasarih) te leh DEO 2(pahnih), ERO 12 (sawmpahnih) te tan vawiin khan IIIDEM ah neih a ni. He hmalakna hi March Ni 4-a IIIDEM-a CEO’s Conference in a ruahman anga zau zawka election kaihhnawih-a a hniam ber thlenga an hnathawhna kawnga an tha tih chakna tura buatsaih a ni.

Vawiin vek khan ni khat awh Media Nodal Officers, Social Media Nodal Officers, leh District Public Relations Officers te tana Orientation Programme pawh India International Institute of Democracy and Election Management (IIIDEM), New Delhi ah neih a ni bawk. He orientation in a tum chu election official ten media thang zel mil a thawhhona leh inbuatsaihna tha an neih theih nan a ni.

State 28 leh UT 8 atanga Media Officer te telna he orientation-ah hian RP Act 1950 & 1951, Registration of Elector Rules 1960, Conduct of Election Rules 1961 dan hnuai leh ECI thuchhuah hrang hrangte behchhana election kaihhnawih chanchin puan darh dan fel fai zawk duan te, thudik tawk lo lengvak sawifiah kawnga hmalakna te, leh media platform hrang hrang kaltlanga voter te zirtirna neih dan tur te sawi ho a ni.

Inthlan kaihhnawiha media te chanvo pawimawh zia sawiin CEC Pu Gyanesh Kumar chuan, mipuite rin ngam ni turin thuleng vak tam tak karah a hun tak leh lang tlang taka thudik puan chhuah a pawimawh zia a sawi. Mipui te hriattur a thu belhchian dawllo awm thin tih reh nan Media Officer te chu thudik leh rintlak hriattir kawnga hmalak a pawimawh thu a sawi.