144/2025-2026

Dated : Mamit the 11th of April, 2025 : Vawiin khan DC Conference Hall, Mamit-ah Mamit Town Sanitation Task Force chu Pu K.Laltlawmlova, Chairman, Mamit Town Sanitation Task Force/ District Bawrhsap hovin bawlhhlawh sawngbawl dan leh Solid Waste Management Bye Laws,2020 chungchangah thutkhawm a ni.

Vawiin thutkhawmnaah hian Mamit khawpui chhunga bawlhlawh paih man category hrang hrang, a hmun lo a bawlhlawh paihtute hremna (fines rates) hrang hrang hman laite en nawn a thlirho a ni a, fees leh fines rate hmanlai mek te chu la tha thawkhat a hriat a ni a, bawlhlawh tawih thei leh theilo, bawlhlawh paihna hmun chungchangte sawihona neih a ni bawk. 

Thutkhawmnaah hian Mamit khawpui chhung faina atana bawlhhlawh sawngbawl dan, bawlhhlawh paihna hmunhma leh faina kawnga hmalakna tur dangte lo ngaihtuah turin vengtin VC theuhte, LAD leh DUDO office atanga aiawhte nen hmala tur committee din a ni. 

Hun kaihruaitu District Bawrhsap chuan Mizoram chu hnamdang min tlawhtute'n fai tiin sawi thin mahse hmasawnna tur kan la ngah em em a, bawlhlawh kan paihna hmun leh paih danah te mipuite inzir kan la ngai a,Mamit District chhungah pawh fai tura hmalakna tur awm ang angah te theihtawp kan chhuah a tul a ni a ti.