Vawiin khan SSA  Hall, Lunglei ah District Election Officer, Lunglei buatsaih ECI National Quiz 2017 District Round chu neih a ni. ECI National Quiz 2017 hi School tin tan buatsaih a ni a, chu mi atanga ti tha zual School 9 ten Disttrict Round ah inelna nei tura thlan chhuah a ni. Vawiina district Round Quiz inelna ah hian Lunglei District chhunga School 9 thlanchhuah te an tel a. He inelna Quiz ah hian Objective type Question 50, minute 30 chhung chhan hun pek a ni. ECI National Quiz 2017 District Round inelna lawmman semna neih nghal niin Pu Lalhmangaihzuala Deputy DPC, SSA Lunglei chuan lawmman semna neiin Govt. Leitlangpui Higher Secondary School Lunglei ai awh te chu Pakhatna niin Rs 2000 ve ve leh Certificate an dawng a, Sacret Heart School Lunglei te pahnihna niin Rs 1000 ve ve leh Certificate an dawng a, Govt Higher Secondary School lunglei chu pathumna niin Rs 500 ve ve leh Certificate an dawng a ni. District Round a pakhatna Govt Leitlangpui Higher Secondary School aiawh a tel Exodusa leh Lalpeksangi te hian Lunglei District aiawhin  ECI National Quiz 2017 State Round ah an tel ang.