Vawiin chawhma dar 10:00 khan Pu H. Lalengmawia, IAS, Secretary Power & Electricity leh Electoral Roll Observer in Kolasib tlawh in, D.C. Conference Hall, Kolasib-ah meeting a neih pui.

Pu H. Lalengmawia chuan India ramah Election kan nei thina, khawvelah India hian hmingthanna a neih tam lova, a hmingthanna ber pakhat chu Election hi ani a ti a. Mipui tamtak awmna ah Electoral System kan kalpui dan hi khawvel ramdang palai te pawn an rawn zir chiang thin ani a ti bawk. Observer chuan, Election chungchangah kan buaina tamtak chu roll-a inziah luh hi ani a ti a, in ziah luh theih tura dan in a phut leh vantlangin a tling a a ngaih chu atling an ni mai a, a tling lo a tih chu a tling lo an ni mai ati bawk. Chuvangin, fimkhur tak a roll-a inziah luh hi a tul ani a ti a. Mipui te, NGO te leh Media ten roll revision hi lo tawiawm zel turin a fuih bawk.

Election Commission of India-in inthlanna felfai leh tha a tehna thenkhat zingah pakhat chu inthlan na ah 60% tal vote thlak ani a ti a. Election lo awm leh turah 90% tal a mipui ten vote an thlak theih nan tan lak a ngai ani ati a. Eizawnna avang leh thil dangah inhnamhnawi lovin kan damlo ani ngawt loh chuan vote thlak hi khua leh tui ten kan duty kan tih ngei ngei tur ani a ti a. Mi dik leh tha tura kan ngaih chu vote mai tur kan ni ati bawk. Election-a thawktute chauh nilovin Party mi leh sa te pawn he Roll Revision hi lo tawiawm a lo puih bawm zel tur in a chah a. Tin, felfai taka Electoral Roll Revision lo buaipui tu Kolasib District Bawrhsap leh a thawhpui te chungah lawmthu a sawi.

He hun hi Pu R. Zarzosanga, Kolasib District Bawrhsap chuan a kaihruai a, NGO leh Public Leaders ten Election a thawk te an lo tawiawm that avangin lawmthu a sawi a. Hun chep tak karah observer in a rawn tlawh theih a vangin a chungah lawmthu a sawi bawk a ni.