Nimin chawhnu khan DC Conference Hall, Lunglei ah Pu Benjamin Lalzama, Deputy Commissioner mawhphurhna la mek tu kaihhruaina in Dist Task Force For Immunization On Intensified Mission Indradhanush in Lunglei District 2017 thlirletna leh Measles & Rubella Vaccination Campaign kalpui dan tur ngaihtuah ho na neih a ni.

Dr.Lalrinthangi, DIO Lunglei in report pe in Lunglei District hi IMI ah District hnufual kan ni a, inkalpawhna that tawk loh avangin duh angin khaw thenkhat kan tuam zo lova, heti chung hian IMI Phase 1 Round 2 hi Public Health Centre leh Sub Division Haspital huamchhung a khaw 23 tuam in naupang kum 2 hnuailam 92 target ah naupang 99 te hnen ah invenna pek ni in, nu nau pai 37 target ah nu nau pai 11 te hnen ah invenna pek an ni. Phase 1 Round 3 chu ni 7 December 2017   ah khaw 27 tuam in  naupang kum 2 hnuailam 109 target in, nu nau pai 31 target a ni. A huam zau thei ang ber a invenna pek theih nan member te leh NGO te thawhpui ah a sawm a ni. Lunglei District chhung a khaw tin VC leh NGO te thawh ho pui ah sawm nise tih a ni bawk.

Measles (Sentut) leh Rubella (German Sentut) chungchang ngaihtuah in Rubella hi Mizoram ah chuan awm chiah lo mahse Sawrkar laipui in kalpui tura a tih angin Mizoram ah pawh 18th January 2018 atangin kalpui tum a ni. Rubella hi natna in kai darh chak tak a ni a, hemi lak a inven nan hian naupang thla 9 atanga kum 15 hnuailam ah kalpui tura tih a ni. Line Department hrang hrang thawhpuina leh puanzar sak tur a hmalakpui ah an sawm a ni. Lunglei District ah chuan Phase 3, school, anganwadi centre leh sweep phase a kalpui phawt tur a tih a ni.

Attachment

  • Loading attachment...