1711/2023-2024

Aizawl, 31.08.2023: Chief Election Commissioner of India Pu Rajiv Kumar kaihhruai Election Commission of India team chuan vawiin chawhma dar 9 khan Assembly House Annexe Conference Hall-ah Systematic Voters' Education and Electoral Participation (SVEEP) exhibition leh voter te chawimawina hun buatsaih chu an hmanpui.

ECI team chuan Mizoram district tina SVEEP hmalakna kaltlanga vote nei rual zawng zawng electoral roll a inziaklut turin leh vote thlak pawimawhna inzirtirna an kalpui dan tarlan chu an thlir a. District Election Officer tin te’n an hmalakna hi an sawifiah a ni. Heng bakah hian Model Polling Station leh EVM bakah Aizawl district SVEEP merchandise hrang hrang phochhuah a ni bawk.

Voter category hrang hrang – kum 80 chunglam, hmeichhe voter, young voter, Persons with Disability aiawh mi pakhat theuhte bakah State Icon pahnih – Pu S. Malsawmtluanga leh Pu Lalbuatsaiha te hnenah chawimawina hlan a ni.

CEC Pu Rajiv Kumar chuan ECI in SVEEP hla a phuah “Main Bharat Hoon” Mizo tawnga lehlin chu inthlanpui lo awm tur theme song atan a tlangzarh a. Pachhunga University College zirlai te’n vote thlak pawimawhna thupuiah hmangin lem an chang bawk.

Vawiin inkhawm hi Mizoram Chief Electoral Officer Pu Madhup Vyas chuan kalkhawmte lawmna thu sawiin, District Election Officer, Aizawl district Pi Nazuk Kumar chuan lawmthu sawiin hun a khar. College hrang hranga Electoral Literacy Club (ELC) atangin leh upa pawl, PwD, Young voters leh hmeichhe voter aiawh sawm bikte an tel a ni. He programme zawh hian ECI team hian Delhi an pan nghal a ni.