1710/2023-2024

Aizawl, the 31st August 2023: Vawiin khan Directorate of Hospital & Medical Education Auditorium-ah One-Day State Level Reorientation Workshop for District Trainers on Anemia Mukt Bharat (AMB) Strategy buatsaih a ni a. He hun hi National Health Mission, Mission Director, Dr. Eric Zomawi'an hun a hmanpui.

AMB Strategy hi National Health Mission, Mizoram hnuaia peng pakhat niin, Ministry of Health & Family Welfare bultumin kum 2018 atang khan India ram pum huap a kalpui tan a ni.

Mizoram ah chuan COVID-19 pandemic karah March, 2021 khan launch niin, April 2021 khan State Level Orientation Workshop hmasa ber pawh huaihawt a lo ni tawh a ni.

He Workshop ah hian AMB Strategy hnuia stakeholder department chanvo pawimawh tak nei pathum- Health & Family Welfare, School Education leh Women & Child Development atangin thawktute koh khawm an ni.

Anemia Mukt Bharat/Anemia Free India Strategy chungchang sawi zau na leh inzirtirna te neih a nih bakah heng department pathum tangkawp hian Mizoram chhung a naupang, tleirawl/rawlthar leh nu te zinga thisen tlakchham natna (Anemia) nei te hmuhchhuah a, enkawlna pek leh ANEMIA umbo a nih theih nan a thawh ho na tha tak an neih theih dan tur kawng sawi ho a ni.

Dr. TC Hmingthangi, State Nodal Officer (RBSK/RKSK), NHM leh a staff ten AMB chungchang a zirtirna leh inkaihhruai dan kawng hrang hrang an tarlang bawk.

Anemia Mukt Bharat (AMB) Strategy hnuaia central sawrkar hmalakna lian ber chu naupang, tleirawl/rawlthar leh nu te, thisen tlakchham natna (Anemia) laka an fihlim theihnan Public Health Facility, Anganwadi Center leh Govt. Aided School kaltlanga Iron & Folic Acid (IFA) supplement/damdawi a thlawn a sem a ni.

IFA supplement hi kum mil zel a sem thin niin, IFA syrup/IFA tui hi naupang thla 6 (ruk) atanga thla 59 (sawmnga pakua) in kar-ah kartin vawihnih ml1 zel a pek thin a ni a. IFA Junior Pink tablet/mum sendang hi primary school zirlaite hnenah kartin vawikhat sem anih bakah IFA (WIFS) Blue tablet/mum pawl hi middle atanga higher secondary school zirlaite hnenah kartin vawikhat sem thin a ni. IFA Red tablet/mum sen hi sub-center kaltlangin hmeichhia nau pai rual/nau pai leh nau hnute pe lai te hnenah sem a ni thung.