54/2023-2024

Lunglei the 6th April' 2023: Vawiin khan Doctors Seminar Hall, Civil Hospital, Lungleiah Electronics Corporation of India (ECIL) Hyderabad chuan an Corporate Social Responsibility (CSR) Fund atangin Civil Hospital, Lunglei a hman tur Medical hmanrua chi hrang hrang Rs 23,90,100/- man an hlan. He hun hi Pi Ramdinliani, IAS, Deputy Commissioner, Lunglei chuan a hmanpui a ni.

Damdawi in a hmantur Medical hmanrua hlanna inkhawm hi Pu Donny Lalruatsanga, Additional Deputy Commissioner, Lunglei chuan kaihhruaiin Pi Ramdinliani IAS, Deputy Commissioner Lunglei chuan ECIL in Civil Hospital, Lunglei tih changtlun nana hnathawhna tur hmanrua an Corporate Social Responsibility Fund atanga an pe chu lawmawm a ti a. Lunglei Deputy Commissioner kal chhuakta Pu Kulothungan A, IAS chuan Civil Hospital, Lunglei tih changtlunnan Medical hmanrua tam tak CSR kaltlangin hma a lo lak pui thu a sawi a, a hmalak na te chu fakawm a tih thu a sawi bawk a ni. ECIL in hmanrua an pek te hi Lunglei District mipui te chauh ni lovin chhimlam District pathum Hnahthial, Lawngtlai leh Siaha District damlo ten damna chang thei tura hmang tangkai turin a chah a ni.

Pu Debasis Debnath, Zonal Officer, ECIL Kolkata chuan ECIL hi kum 1967 a din a ni a, India sorkar hnuaia organization lian tak, Electronics lama hmasawn theih nana hmalatu pawimawh tak niin mipui leh mi harsa te tanpui nan kumtin State hrang hrang ah CSR kaltlang hian thil pek chi hrang hrang pek a nih thin thu a sawi a. Heng Medical hmanrua an pek te hi damlo ten an tangkai pui a beisei thu a sawi bawk a ni.

Dr.SR. Ngurchamliana, Medical Superintendent, Civil Hospital, Lunglei pawhin thusawiin Civil Hospital, Lunglei ah hian khum 150 awmin, chhimlam tana Hospital pawimawh tak a ni a, Lunglei Bawrhsap kalchhuakta Pu Kulothungan A, IAS thahnemngaihna avangin hmanrua tam tak kan nei a, tuna kan Bawrhsap Pi Ramdinliani, IAS hmalakna in ICU a hmantur hmanrua tha tak tak Civil Hospital in a dawng leh hi lawmawm a tih thu a sawi a ni.

Vawiin a ECIL a Medical hmanrua an pek tak te hi cheng nuai sawmhnih pathum singkua leh sangkhat (Rs 23,90100/- man a ni.

Vawiina CSR kal tlanga Civil Hospitala an thil hlan te chu-

1. Automated External Defibrillator (AED) - 3

2. Autoclave (150 Litres) - 2

3. Dressing Drum - 4

4. Glucometer - 10

5. ABG Machine - 2

6. ECG Machine - 2

7. Crash Carts - 10

8. Electomotor Wheel Chairs - 10

9. Fumigator - 3

10. ICU Beds - 10