Tun hnaiah District Statistical Office 5 hawn belh a lo nih tak avangin District tin ten tha taka hna an thawh theih nan Economics & Statistics Deptt. chuan officer leh staff te tan ni 2 chhung awh Training a buatsaih a. Lalramchhana Pachuau(Mapuia) Memorial Hall, Nursery Veng, Aizawl-ah an nei a ni.

Training-ah hian District 8 atangin Officer & Staff mi 70 chuang an tel. Training-ah hian thil chi hrang hrang – naupiang & thi(Registration of Births & Deaths), National Sample Survey(NSS), Consumer Price Index(CPI), Economic Census, State Domestic Product & District Domestic Product, Agriculture Census, Farm Harvest Price, Base Line Survey leh a dangte an zirho.