Economics & Statistics Department chuan kumthar 2013-a an hmalakna tur hrang hrang inhrilhfiahna leh inzirtirna ‘Training on Capacity Building’ chu vawiin khan I&PR Auditorium-ah an nei.

Kum 2013 chhung hian 13th Finance Commission hnuaiah survey chi hrang hrang - Business Register, Local Body Account, Farm Harvest Survey te bakah Indian Statistical Strengthening Project (ISSP) hnuaiah Baseline Survey pawh an nei dawn a. Basic Statistics for Local level Development Survey (thingtlang leh khawpui lam huamin) nei tur a ni bawk a. Kum 5 dana neih thin Agriculture Census pawh tih mek niin a phase hnuhnung Input Survey tih leh tura ruahman mek a ni. Kum 5 dan bawka neih thin Economic Census chu a vawi 6-na atan April-June 2013 chhung khian neih tur a ni bawk a. Heng bakah hian Employment & Unemployment Survey te, Consumer Price Index Survey te, National Sample Survey (NSS) leh Birth & Death Registration hna te thawh chhunzawm mek zel a ni.

Tun financial year chhung hian District Office thar Mamit, Kolasib, Champhai, Serchhip leh Lawngtlai ah te hawn tum a ni a, hei hi Cabinet pawhin a pawm tawhin hun reiloteah hawn thuai a ni ang.

Training-ah hian rinawmna leh taimakna nena inghahna tlak statistcis nei turin nasa zawka tan la turin infuih thar a ni.