1724/2024-2025

Aizawl the 24th August, 2024 : Vawiin ni 24.8.2024 (Inrinni) hian Chanmari West kawipui to Lalsangliana Petrol Pump, Edenthar kawnga ni 22.8.2024 (Ningani) a leimin nasa tak chuan kawngpui, highway leh internal road-ah te lei diak nasa tak a thlen a. PWD Aizawl North Sub Division No-III leh Edenthar Veng mipuite ṭangkawpin lei diak nasa tak chu tihfai hnatlang thawh niin kawngpuia lei diak chu tui nena phuh fai vek a ni. He lai leimin hi Pi Rinkimi, Edenthar te kawmchhak aṭanga min a ni a, ni 22.8.24 nileng khan paih a ni tawh bawk a; zan lamah a lo min khat leh vek avangin vawiin khan a thianfai hna thawh zawm a ni.