Vawiin khan MAMCO Chairman Dr Ngurdingliana, MLA chuan EDU EXPO-2015 chu Vanapa Hall ah a hawng.

Ni hnih chhung awh tur Edu Expo hawnna thu sawiin Dr.Ngurdingliana chuan zirna hi kan ram hnuk a nih avangin zirlaiten nakin zela hna an la thawh duh tur uluk tak leh fimkhur taka thlang chungin thahnemngai takin lehkha an zir a tul a ni, a ti.

Dr.Ngurdingliana hian Edu Expo huaihawttu Dr.Deb Consultancy, Aizawl thlanchhuah school tha pathum  Arells School, Chaltlang; St Joseph Higher Secondary School, Ramhlun 'N' leh Living Waters School, Mission Vengthlang hnenah "Best Emerging School 2015" Award a hlan nghal bawk. Heng school pathum te hian zirlai tha leh thiam thei fal bik nei lo mah se result an neih that em avang leh zirtirtute thawhrimna avangin chawimawina hi an dawng a ni.

He Edu Expo ah hian India rama zirna tha leh rintlak engemaw zat an tel a. A duh apiang tan tlawh theih a ni.