Bial fanga chhuak mek Pu Lalrinmawia Ralte, Minister Soil & Water Conservation etc. chuan Rs. 17.670 lakh senga din Mini Ice Plant, Zawlnuam a mi chu vawiin khan a hawng.

Mini Ice Plant hawnna inkhawm hi Community Hall Vengpui Zawlnuam-ah neih a ni a, Pu F. Lalnienga, Chairman Managing Board, Zofisfed in a kaihruai a. Pu Lalrinmawia Ralte chuan Zawlnuam leh a chhehvel khuaa Sangha hmanga eizawngtute tan Mini Tee Plant hawn a ni chu thil lawmawm tak a nih thu sawiin, hma latu Zofisfed te fakawm a tih thu a sawi. Minister chuan Mizo mipuite’n Society anga hmalak thiam a pawimawh thusawiin Sangha hmanga eizawngtute chu Sangha tharchhuah tam kawnga tanla sauh sauh tura fuihin, Mini Ice Plant chu tangkai taka hmang turin duhsakna a hlan a ni.

Zawlnuam Mini Ice Plant hawn takah hian Vur tlang 30qtl dahthat theih a ni a, vur tlang pakhat hi 15kg a rit a ni a. Vur tlang pakhat hian Sangha 15kg nihnih chhung a vawng tha thei a ni. Subsidy Rate in mipuiin vur tlang pakhat hi Rs.30 in an lei thei dawn a ni.