Education Department chuan Govt. Region Higher Secondary School, Lawngtlaia zirtirtu dah chungchangah thuchhuah a siam.

Education Department in a tarlan dan chuan Govt. Region Higher Secondary School Lawngtlai atan Dt. 11.12.2013 khan Geography leh Sociology subject Lecturer posts 4 (pahnih ve ve) create a ni a (vide No. B. 13011/12/2007-EDN dt. 11.12.2013). Hemi post fill up phalna hi DP&AR (ARW) atangin ni 26.4.2013 hmuh a ni a. Finance Department atangin 27.8.2014 khan fill up phalna hmuh a ni leh bawk a. MPSC hi recruitment titu tur a nih avangin 27.8.2014 khan MPSC ah Notification of vacancies hi theh luh tawh a ni. MPSC chu kalphung leh tihdan phung fel tak nei anih avangin, ni hnihkhat thil a heng post hnawhkhah hi sawrkar tan thil tih theih loh a ni. MPSC in Lecturer 4 (pali) an lak fel hnuah sawrkar chuan posting order a ti chhuak ang.