Mizoram Excise & Narcotics Department (END), Anti-Narcotics Squad-te chuan nimin September ni 1, 2014 khan Heroin gram 22 an man.

Excise & Narcotics Department (END), Anti-Narcotics Squad-te hian nimin chhun khan Aizawl Civil Hospital Compound chhungah Lalbiakhnem (26) d/o Liankimsam, Tahan “A” group, Myanmar atangin Heroin gram 5 manin, a neitu hi an man nghal a.

Nizan hian Anti-Narcotic Squad-te vek hian Tuirial Airfield Vengah Heroin gram 17 leh a neitu Lalrikhumi (39) d/o Lalhlira, Hmuntha, Myanmar chu an man bawk.

Excise & Narcotics Department chuan Heroin neitu Lalbiakhnem leh Lalrikhumi te hi Section 21(b) of The Narcotic Drugs & Psychotropic Substances Act,1985 (NDPS Act) hnuaiah thubuai siamsakin, Central Jail-ah dah luh nghal an ni.