Vawiin khan Education Guest House & Training centre Lunglei a sakna tur Lungphum Pu H. Rohluna Minister School Education, etc. in a phum.

Inkhawm hi Pu Lalzirmawia chhangte, Addl. Secretary School Education in a kaihruai a.Khuallian Pu H. Rohluna chuan thusawiin vawiin ni a he Lungphum phum theih ani hi lawmawm a tih thu a sawi a, kan ram zirna tih hmasawnna kawng a thawhpui tha tak Parlamentary Secretary Pu Joseph Lalhimpuia a neih a vangin lawmthu a sawi a, zirna hi kan Chief Minister pawhin ngaipawimawh in kan harsatna leh kan mamawhte kan thlenin a theih ang angin min tihhlawhtlin sak a. Kum 2 chhung lekin infrastructure lam ah pawh hma kan sawn nasa hle a,hmabak tam tak kan la neih te pawh theihtawp chhuah a tih puitlin kan tum zel a ni a ti. Education Department hi Department zawng zawng a thawktu tam ber kan ni a chuvangin administration ah harsatna kan nei thin a tun ah chuan inkalpawhna leh inbiakna tha a awm tawh a tun hma ngaihtuah chuan thawktu te pawn nasa takin hma kan sawn tawh a, hmasawn belh zel kan ngai bawk a ni a ti. Minister chuan tun hma in subject bik awmlo in zirtirtu lak a ni thin a tunah chuan middle school ah 33% hi Math leh Science zirtirtu a tan dah ani a,High School ah 30% dah anih tawh thu a sawi bawk a ni. Zirna hi kan theih chin chin ah chuan a tha thei ang bera kalpui kan tum a chumi tur chuan thil tam tak tihhlawhtlin leh ruahman ani tawh a ni a ti. Primary leh Middle School tam tak ah zirlai tlemte an awm thin a hei hi sawrzim dan leh school thenkhat suihfin dan ngaihtuah mek a ni a ti bawk.Tun ah chuan English Medium leh Mizo Medium te pawh zirlai in ang vek an zirtawh a kan zirlai hi NCRT lehkhabu hman ani a India ram ah pawh atha ber pawl anih thu a sawi.Thawhhona tha tak nei a hmasawnna zel turin thawktu te zawng zawng a sawm in a ngen bawk a ni.

Pu Joseph Lalhimpuia Parliamentary Secretary pawhin thu sawiin Mizoram in Education Minister thatak kan neih a vangin lawmthu a sawi a,zirna ah hma nasa takin kan sawn a ni a ti. Pu Mahima chuan Middle School leh Primary school thawm that na tur cheng vaibelchhe khat hmuh anih thu a sawi a. Mizoram a HSLC leh HSSLC ah private candidate awm tawhlo tura ruahman anih thu a sawi a, chubak ah nakum a tangin an mahni school zirtirtu ten 20% internal marks an pe tawh dawn a hei hian sawrkarin an zirtirtu te a rin zia a tilang a,an rin ang ngei in rinawm tak leh taima tak a an hna te thawk turin a beisei thu a sawi bawk. Nikum atang khan Pre Primary dah tan a ni a. Kum hmasa aiin zirlai pawh sawrkar school ah an pun belh zel a kan Education Minister hmalakna in Free Taxt Book Class - V hnuai lam pek vek an nih thu a sawi bawk. Kan ram zirna hmasawnna turin kan hotu ten theihtawp an chhuah a zirtirtu leh nu leh pa te pawh theih tawpin tan i la thar ang u a ti.

Pu K. Lalrintluanga Addl. Director School Education, chuan technical report pein he Education Rest House leh Training Centre sak tan nan hian cheng nuai 120 hmuh anih thu a sawi a.Eduction Guest House & Training Centre hi Lusai Engineering ten an sa dawn a ni. Pu Lalramthianghlima Dist. Education Officer, Lunglei chuan lawmthu sawina a nei bawk a ni.