Vawiin khan Educational Human Resources hnuaia peng hrang hrangte harsatna sutkian dan tur ngaihtuahin High Level Official Committee chu NLUP Conference Hall-ah an thukhawm.

High Level Official Committee for Education meeting hi a Chairman Chief Secretary a remchan loh avangin Vice Chairman Pu P.L. Thanga, Member Secretary, State Planning Board hovin neih a ni a. Education peng hrang hrang - School Education, Higher & Technical Education, MBSE, SCERT, College of Teachers Education (CTE), Mizoram Scholarship Board, SSA leh RMSA te dinhmun theuh thlir a ni a. Heng Education peng hrang hrang ten sum lama harsatna an tawhte sutkian dan tur leh inkhairual zawka kalpui dan turte sawiho a nih bakah, building leh thil danga harsatna an neih te thlirin, chinfel theih dan turte sawiho a ni a. Education peng hrang hrang te harsatna sutkianna tur hian hmalak chhoh dan tur rawtna engemaw zat an siam a ni.

High Level Official Committee ah hian Education peng hrang hrang hotute hi Education Commissioner/Secretary Pu K. Lalnghinglova’n a ho a ni.