Tukin zing dar 10: 30 AM khan Education Minister Pu Lalsawta chuan May ni 10 thleng awh tur lehkhabu chi hrang hrang phochhuahna ‘Aizawl Book Fair’ chu Vanapa Hall-ah a hawng.

Pu Lalsawta chuan Aizawl ah hian lehkhabu tha zawrhna kan nei tha lova mahse ram mipui hian kan hlut in kan lei duh a; chutih laia harsa taka chunga Pi Maggie L.Ralte in book fair a buatsaih thin hi Mizo mipuiten kan tangkaipui hle a ti a. Book Fair hi mipui ten an hmang tangkai theih nan duhsakna a hlan a ni.

Aizawl Book Fair hi Pi Maggie L.Ralte in Kolkata lamah lehkhabu dawr Book Line leh lehkhabu siamtu company – Penguins India leh Viva Books te nen tangkawpa an buatsaih a ni a. Tun tum hi hetianga Book Fair a buatsaih vawi 4-na a ni a, Lunglei-ah pawh  buatsaih leh an tum bawk a ni.

Book Fair ah hian lehkhabu chi hrang hrang phochhuah a ni a, chung zingah mit la ber chu Rs. 12,000 man Sap tawng leh German tawnga siam Gutenberg Bible(bu hnih) a ni a, a chhutu company pawhin an siam tawh lo a ni, lehkhabu vang tak a ni tawh nghe nghe. 

Attachment

  • Loading attachment...